د کېږدۍ ګرځنده خیرييه ښوونځي ادارې د خپلو زده کوونکو لپاره نصاب چاپ کړ. د کېږدۍ ګرځنده ښوونځي زیاتره زده کوونکي یې چې کوچیان دي او دوی له تعلیمه لرې پاتې شوي، د دوی لپاره د معارف نصاب سخت و. نو مو ښه وبلله چې د لومړي ټولګي لپاره یو ځانګړی نصاب جوړ کړو چې د دوی له تعلیمي سویې سره سم وي او هم د دوی لپاره موثر و اوسي.
په دغه نصاب کې هغه معیارونه کارول شوي چې د یوه ماشوم وړتیا وې رابرسېره کړي او هم ماشوم خلاق و روزول شي.
په پښتو کې هغه کلمات راټول شوي چې ماشومان ورسره بلد دی او زیاتره د ماشومانو د ورځني ژوند د لوبو او ساتېرۍ وسایل دي.
، د ماشوم د ذوق شیان، لکه د لوبو وسایل، د تعلیمي نصاب اړوند انځورونه لري او ماشوم ته هم موقع برابره شوې چې دی خپله هم رسامي پکې وکړي.
د هر توري په لیدو به د خپلې خوښې شیان د کتاب په پاڼو کې وشمېري او هم توری د ویکتورونو په مرسته ورته ښودل شوی.
داسې یو مېتود مو پکې کارولی چې یو ماشوم د توریو زده کړه، د لیکلو طریقه، او هر توری په ټکیو ورته رسامي شوی چې د ماشوم لخوا تازه شي.
ماشومانو لپاره ابتدايي مسایل د سوال او ځواب په بڼه داسې لري چې ماشومان په اسلام، دین او خپل پيدايښت خبر وي او ځان یې پېژندلی وي.
هر توری او حرکتونه یې په بېلابېلو رنګونو ښودل شوي او یو ماشوم د رنګونو په لیدو به د ښوونکي لخوا دا الهام واخلي چې زور، زېر، پېښ او نور حرکتونه کوم دي.
